Grofsmid van beroep. Het na Geneve uit Frankryk gevlug nog voor die Edik van Nantes opo 22 Oktober 1685 herroep is. Hy is in Geneve met 'n mede vlugteling Jacqueline Decre getroud. Hulle seun Etienne is in Geneve gebore. Later het hulle na Amsterdam verhuis waar hulle dogter Marie gebore is. Hulle het van daar met die skip Spierdijk na die Kaap vetrek. Jacqueline en Marie is tydens die reis oorlede en hy en sy seun het alleen in die Kaap aangekom. Hy is vier jaar na sy aankoms met Jannetjie de Klerk getroud.
Het 'n sukkelbestaan gevoer op sy plaas in Drakenstein en moes telkemale sy mede burgers dagvaar om voor die heemrade te verskyn.
Hy is op die nag van 26 Februarie 1698 onder baie geheimsinnige omstandigdhere dood. Hy was na buite om perde te verwilder. 'n Rukkie later het sy slaaf Claas na buite gegaan en hom onder 'n kersieboom gevind. Daar was diep wonde aan sy kop en hy het later dieselfde nag daaraan beswyk.
Die Raad van Justisie het wel vermoed dat Andries vermoor is maar hulle kom geen bewyse kry nie.
Die slaaf Claas het, nadat hy deur Pieter Bekker geslaan is, aan die landdros gese dat Pieter Bekker vir Andries vermoor het, maar dit kon nooit bewys word nie.
Pieter Bekker is later met die weduwee Jannetjie getroud.
- 1698